काठमाडौँ । हामीले हरेक दिन टन्नै हरियो तरकारी खानु पर्छ भनेर सुन्छौ । हरियो पातदार तरकारीको सेवन स्वास्थ्यको लागि फाइदाजनक छ । यसमा पाइने पोषक तत्त्वहरूले हाम्रो शरीरको रोग प्रतिरोधात्मक क्षमता बढाउन मद्दत गर्छ । एन्टिअक्सिडेन्टले भरिपूर्ण तरकारीले शरीरलाई आवश्यक भिटामिन र खनिज त प्रदान गर्छ नै तौल घटाउन पनि मद्दत गर्छ ।

तर के तपाईँलाई थाहा छ ? भिटामिन र खनिजले भरिपूर्ण यी तरकारीहरू सेवन गर्नु केही मानिसहरूका लागि हानिकारक हुन सक्छ । पोषक तत्त्वहरूसँगै, हरियो पातदार तरकारीहरूमा केही यौगिकहरू र अक्सालेटहरू पाइन्छन्, जसले शरीरमा केही स्वास्थ्य समस्याहरू बढाउन सक्छ ।

केही रोगहरूमा यी हरियो तरकारीहरूको सेवनबाट बच्नुपर्छ । आजको यस लेखमा हामी हरियो तरकारीको धेरै सेवन हानिकार हुने तीन थरी मानिसबारे कुराकानी गर्नेछौँ । 

मिर्गौलाको समस्या

केही हरियो तरकारीमा प्यूरिन नाम तत्त्व पाइन्छ । मिर्गौलाको समस्या भएकाहरूका लागि हरियो तरकारीको सेवन हानिकारक हुन सक्छ । वास्तवमा, प्यूरिनले शरीरमा युरिक एसिड बढाउन सक्छ, जसको वृद्धिले मिर्गाैलालाई क्षति पुर्याउन सक्छ । यस्तो अवस्थामा, मिर्गौला सम्बन्धी रोगबाट पीडित व्यक्तिहरूले पालुङ्गो जस्ता हरियो तरकारी खाँदा जोखिममा पर्न सक्छन् । 

पत्थरीको समस्या

मिर्गौलाको पत्थरीबाट पीडित व्यक्तिहरूको लागि पनि हरियो सागसब्जी खानु हानिकारक हुन सक्छ । वास्तवमा, हरियो तरकारीमा पोटासियम पाइन्छ जुन मिर्गौलाको पत्थरीका बिरामीहरूका लागि राम्रो हुँदैन । धेरै मात्रामा हरियो तरकारी सेवन गर्ने मानिसहरूलाई मिर्गाैलामा पत्थरी हुने जोखिम बढ्छ । हरियो पातदार तरकारीहरूमा धुलोका कणहरू पाइन्छन्, जुन पेटमा जम्मा भएर पत्थरी निम्त्याउन सक्छन् । 

जोर्नी दुख्ने

हरियो पातदार तरकारीमा अक्सालेट्स पाइन्छ जसले जोर्नी दुख्ने समस्या बढाउन सक्छ । यस्तो अवस्थामा, जो मानिसहरूलाई अर्थराइटिस जस्ता समस्या छ उनीहरूले यसको सेवन गर्नबाट जोगिनु पर्छ । 

अस्वीकरण: यहाँ दिइएका सल्लाह अनलाइनबाट तयार  पारिएको हो । यसले सामान्य जानकारी मात्रै दिन्छ । यसलाई पालना गर्नु अघि आफ्नो चिकित्सकसँग परामर्श गर्नु होला ।